Aholi manfaatlarini ta’minlash, ya’ni ularning ish bilan ta’minlanishi, turmush sharoitini o‘rganish, bunga mas’ul bo‘lgan joylardagi tizimlar qanday faoliyat yuritayotganini hokimlarning doimiy e’tiborida bo‘lib kelmoqda.
Arnasoy tumani hokimi Odil Musanov, 2-sektor rahbari, tuman prokurori Ikrom Begashev, tuman Xalq qabulxonasi mudiri Bekmurod Norov va sektor rahbarlari bugun tumanning 2-sektor hududi bo‘lgan “Yangibozton” va “Chinobod” mahallalarida bo‘lib, mazkur mahallalarda amalga oshirilayotgan ishlarni atroflicha o‘rganishdi.
Mahalla tayanchi bo‘lgan «mahalla yettilligi» a’zolarining ishga mas’uliyat bilan yondashishi hamda ishga kelib ketish davomida aholi tomonidan kelib tushgan murojaatlarni bartaraf qilish choratadbirlari borasida qilinayotgan ishlar ko‘zdan kechirildi.
Uchrashuvda, qishloq xo‘jaligi sohasida faqatgina tarvuz-qovun yoki mo‘sh ekinlarini ekish emas, balki ser daromadli yangi turdagi ekinlarni joriy qilish va aholi uchun keng imkoniyatlar yaratish borasida tushunchalar berildi.
Shuningdek, mahallalarda aholi tomonidan chiqarilgan maishiy chiqindilar o‘z vaqtida olib ketilmayotgani sababli chiqindilarning to‘planib qolishi, qish mavsumida aholini suyultirilgan gaz ballonlariga bo‘lgan ehtiyojini to‘la qondirish borasida murojaatlar ham kelib tushdi. Mazkur murojaatlar nazoratga olinib, tez fursatda bartaraf etish choralari ko‘rildi.
Uchrashuvda Yangibo'ston MFYdagi 14-sonli umumta’lim maktabining kutubxona markazida o‘quvchi yoshlarning kitob mutolaa jarayonlarining guvohi bo‘lishdi va maktab kutubxonasini maktabning kirish joyiga joylashtirish taklifi ham ilgari surildi.
– Yosh avlodni kitob mutolaasiga jalb qilish eng dolzarb masalalardan biri bo‘lib kelmoqda, – deydi Arnasoy tumani hokimi Odil Musanov. – Ularni virtual olamdan olib chiqish, chet el hamda o‘zbek adabiyotining klassik janriga jalb qilish, kitob o‘qishga bo‘lgan qiziqishlarini orttirish nafaqat ota-onalar, maktab o‘qituvchilarining, balki bizning ham oliy maqsadimizdir.
Arnasoy tuman hokimi mahallalarda amalga oshirilayotgan ishlar ko‘lamini nazorat qilish borasida tashriflar davom etmoqda.