Ўзбекистон Республикаси Президентининг Жисмоний ва юридик шахсларнинг мурожаатлари тўғрисидаги 2017 йил 11 сентябрдаги 445-сонли Қонунига асосан Арнасой тумани 2-сектор ҳудуди Чинобод маҳалласида аҳоли ўртасида сайёр қабул ўтказилди.
Мазкур сайёр қабулда Арнасой тумани ҳокими Одил Мусанов, 2 сектор раҳбари, туман прокурори Икром Бегашев, Ўзбекистон Республикаси Президентининг Арнасой туманидаги Халқ қабулхонаси мудири Бекмурод Норовлар ва ташкилоти раҳбарлари ҳамда маҳалла фаоллари иштирок этишди.
Сайёр қабулда давомида ички йўллар, электр энергияси болалар нафақаси, соғлиқ сақлаш ва даволаниш, суюлтирилган газ билан боғлик 15 та масалалар бўйича аҳоли мурожаатлари тингланди.
Сайёр қабулда кўтарилган масалаларнинг 9 таси жойида ҳал этилди. Вақт ва маблағ талаб этадиган 6 та муаммоларнинг ижросини таъминлаш бўйича “йўл харитаси” ишлаб чиқилиб, ижроси назоратга олинди.
Арнасой тумани ҳокимлиги Ахборот хизмати
