ХАЛҚ ДЕПУТАТЛАРИ АРНАСОЙ ТУМАН КЕНГАШИНИНГ ЕТТИНЧИ ЧАҚИРИҚ ТЎРТИНЧИ СЕССИЯСИ БЎЛИБ ЎТДИ
Арнасой тумани ҳокимлигида Халқ депутатлари Арнасой туман Кенгашининг еттинчи чақириқ тўртинчи сессияси бўлиб ўтди. Унда Халқ депутатлари Арнасой тумани кенгаши депутатлари, сектор раҳбарлари, ташкилот раҳбарлари ҳамда ОАВ вакиллари иштирок этди.
Сессияни Халқ депутатлари Арнасой туман Кенгаши раиси Одил Мусанов очиб берди ва кун тартибига қўйилган масалалар юзасидан сўзга чиққан раҳбарларнинг ахборотлари тингланди.
Сессияда кун тартибига қўйилган “Арнасой туманининг 2025-йилги маҳаллий бюджетини тасдиқлаш тўғрисида”ги, “Арнасой тумани бўйича 2025 йилда қишлоқ хўжалигига мўлжалланмаган ерлар учун юридик ва жисмоний шахсларнинг ер солиғи ставкаларига ҳамда юридик шахслар учун мол-мулк солиғини ҳисоблашда кўчмас мулкларнинг 1 кв. метр учун белгиланадиган минимал миқдорига ўзгартириш киритиш тўғрисида”ги, “Туман маҳаллий бюджетининг 2024 йил 3-чораги ижроси тўғрисидаги ҳисоботни тасдиқлаш ҳамда келгуси чоракларда маҳаллий бюджетларнинг даромад ва харажатларини сифатли ижро этилишини таъминлаш тўғрисида”ги, “Ўзбекистон Республикаси Олий Мажлиси ва Сенатининг “Республикамизда ерлардан оқилона ва самарали фойдаланиш ҳолатини ўрганиш, бу борада маҳаллий Кенгашлар томонидан назорат қилиш самарадорлигини янада ошириш тўғрисида”ги 2023 йил 13 декабрдаги 3787-IV/KQ-642-IV-сонли қарори ижроси тўғрисида”ги, “Халқ депутатлари Арнасой туман Кенгаши ҳузуридаги “Камбағалликни қисқартириш билан боғлиқ масалалар бўйича комиссия Низоми ва комиссия таркиби”ни тасдиқлаш тўғрисида”ги масала депутатлар иштирокида кўриб чиқилди.
Сессияда кўрилган масалалар юзасидан Халқ депутатлари туман кенгаши депутатлари ўз фикр-мулоҳазаларини билдирди. Сессия якунда халқ депутатлари Арнасой туман Кенгашининг тегишли қарорлари қабул қилинди.
Арнасой тумани ҳокимлиги Ахборот хизмати
