“Insonlarning dardu tashvishlarini o‘ylab yashash – odamiylikning eng oliy mezonidir. Xalqimiz o‘z hayotida ijobiy o‘zgarishlarni ertaga emas, uzoq kelajakda emas, aynan bugun ko‘rishi kerak”.
Jizzax viloyati hokimining o‘rinbosari Sardor Shukurullayev rahbarligida turizm, madaniyat, madaniy meros va ommaviy kommunikatsiyalar masalalari yuzasidan Arnasoy tumani Baxtli MFY Navro‘z qo‘rg‘onida ommaviy sayyor qabul tashkil etildi.
Ushbu sayyor qabulda Arnasoy tumani hokimi Odil Musanov va viloyat hamda tuman tashkilotlari ishtirokida Baxtli MFY Navro‘z qo‘rg‘oni aholisining muammo va takliflari atroflicha o‘rganib chiqildi.
Qabul davomida turizm, madaniyat, madaniy meros va ommaviy kommunikatsiyalar masalalari yuzasidan ish bilan ta’minlash, uy-joy kadastr hujjatlarini to‘g‘rilash, bank kreditlari bilan bog‘lik 20 ta masalalar bo‘yicha aholi murojaatlari tinglandi. Kelib tushgan murojaatlar yuzasidan “yo‘l xaritasi” ishlab chiqilib, ijrosi nazoratga olindi. 
Shuningdek, qabul davomida turizmni rivojlantirish Navro‘z qo‘rg‘onida sayyohlarga xizmat ko‘rsatishi mumkin bo‘lgan o‘tov-mehmonxonalari va xostellar, savdo-do‘konlari, sport maydonlari, bolalar uchun o‘yingohlarni ishga tushirish borasida ta’kidlab o‘tildi.
Shundan so‘ng, tuman hokimi Odil Musanov boshchiligida Jizzax viloyati hokimining o‘rinbosari Sardor Shukurullayevlar birgalikda Navro‘z qo‘rg‘oni aholisi tomonidan tashkil qilingan uy mehmonxonalariga tashrif buyurib, turistlarni jalb etishda oilaviy mehmon uylari yuritish, xizmat ko‘rsatish servislarni barpo etish, milliy urf-odatlarga mos ravishda ularni milliy taomlar bilan kutib olish, xona xizmatlarining sanitariya-gigiyena talablari, muomala madaniyati kabi bo‘yicha bilim va ko‘nikmalar berildi.
Arnasoy tumani hokimligi Axborot xizmati
